Венесуэла тоғ-кон саноатини ривожлантиради

Венесуэла ҳукумати хорижлик ҳамкорлар билан тоғ-кон саноатига сармоя киритиш борасида келишиб олди. Унга кўра, 5,5 млрд доллар маблағ ушбу соҳани ривожлантиришга йўналтирилади. Бу ҳақда, мамлакат президенти Николас Мадуро баёнот берди, деб хабар қилмоқда Reuters агентлиги.

«Бугун биз 5,5 млрд долларлик лойиҳалар бўйича келишувлар ва сармояларга оид битимни имзолаймиз», — деган Мадуро хорижий тоғ-кон компаниялари бош менежерлари билан учрашувда. 

Аниқлик киритилишича, мазкур келишувлар, мамлакат супермаркетларидаги тартибсизликлар ва озиқ-овқат маҳсулотлари танқислигига сабаб бўлган иқтисодий инқироз оқибатларини енгиллаштиришга қаратилган.