Россиянинг Су-25СМ самолётлари Қирғизистонда жанговар ўқув амалиёти ўтказди

Россиянинг Қирғизистондаги "Кант" бирлашган ҳарбий базаси Су-25СМ ҳужумчи самолётлари ушбу республикадаги шартли "жиноий гуруҳлар"ни йўқ қилди, деб хабар қилмоқда Марказий ҳарбий округ матбуот хизмати. 

"Су-25СМ ҳужумчи самолётлари экипажлари тун вақтида, йирик нишонлар, "Эдельвейс" тоғли полигонидаги ниқобланган иншоотларга зарба беришда "ҳаво – ер" русумидаги ракеталардан фойдаланишди", — дейилади хабарда. 

Россия мудофаа вазирлигига кўра, парвозлар паст баландликларда қийин рельефли ҳудудларда "ГЛОНАСС" навигацияси ёрдамида амалга оширилмоқда.