Samsung Galaxy Note 7’ни ишлаб чиқаришни яна кечиктирди

Samsung компанияси Galaxy Note 7 смартфонларини ишлаб чиқариш кечиктирилгани ҳақида эълон қилди, бунга девайснинг сифатини текшириш ишлари давом этаётганлиги сабаб бўлган. Бу ҳақида Reuters хабар берди. 

Компанияда янги қурилмада айнан нимани синашда давом этилаётганига доир маълумот берилмади. Жанубий Корея нашрларининг ёзишича, бунга смартфон батареясининг бир неча маротаба портлаб кетган ҳолатлари сабаб бўлган бўлиши мумкин. 

Hyundai Securities мутахассисларининг таъкидлашича, компания Galaxy Note 7’даги муаммоларни тез, тахминан икки ҳафтада бартараф этади. Улар бир неча деталларни алмаштириш ёки микросхемада элементларнинг жойлашувини ўзгартириш кераклигини таъкидлашмоқда.