Вазирлар Маҳкамаси президентнинг аҳволи оғирлашганини маълум қилди

Ўзбекистон президенти Ислом Каримовнинг аҳволи оғирлашган. Бу ҳақда мамлакат ҳукумати давлат нашрлари орқали маълум қилди.

"Аввал хабар қилинганидек, давлатимиз раҳбари Ислом Абдуғаниевич Каримов ўтган шанба куни инсульт касаллиги билан даволанишга ётқизилган эди.

Азиз ватандошлар, чуқур қайғу билан шуни маълум қиламизки, ўтган суткада Президентимизнинг соғлиғи бирданига ёмонлашди ва шифокорлар вазиятни ўта оғир деб баҳоламоқда", дейилган "Халқ сўзи" газетасининг эрталабки сонида.