АҚШ Миллий хавфсизлик агентлигининг собиқ ходими Эдвард Сноуден немис фуқаролик мукофоти – "Донолик қадаҳи" совриндори бўлди, деб хабар бермоқда Bild нашри.
Мукофотни топшириш тантанали маросими Кассель давлат театри биносида ўтди. Сноуденнинг ўзи маросимга кела олмаган.
"Қонун виждоннинг ўрнини боса олмайди", деб айтди у видеомурожаатда.
"Донолик қадаҳи" мукофоти 26-маротаба Германиянинг Кассель шаҳрида ғоявий тўсиқларни барбод қила олган фаолият, виждон ва ўз ишига бағрикенглик учун топширилди. Мукофот 1991 йилда Германиянинг бирлашиши шарафига таъсис этилган. Мукофот қиймати 10 минг еврони ташкил қилади.
