Қўшимча функционаллар
-
Тунги кўриниш
Француз авиацияси Мўсул яқинида ИШИД жангариларини бомбалади
Франциянинг «Шарль де Голль» авиаташувчи кемаси бортидан учган Rafale русумли қирувчи самолётлари Ироқнинг Мўсул вилояти ҳудудида жойлашган жангариларга илк зарбаларни йўллади. Бу ҳақда BFMTV хабар тарқатган.
«Авиаташувчининг ҳарбий ҳаракатлар ҳудудига етиб келиши Францияни бу амалиётларда иштирок этаётган давлатлар орасида самолётлар сони бўйича иккинчи ўринга олиб чиқди», — деган телеканалга берган интервьюсида дивизия генерали Винсент Деспорт. Бунгача Иордания ва БААдаги аэродромларда Франция Ҳарбий-ҳаво кучларининг 12та самолётлари жойлашган ва бу самолётлар АҚШ бошчилигидаги халқаро коалиция таркибида иштирок этиб келмоқда эди.
Хабар қилинишича, айни дамда 1 ҳафта олдин Тулон портидан йўлга чиққан «Шарль де Голль» авиаташувчиси Ўрта Ер денгизининг шарқий қисмида, Кипр яқинида тўхтаган.
Бу Франциянинг учинчи миссиясидир. Бу ҳудудда Россия флоти қисмлари ҳам жойлашган бўлиб, икки томон ўзаро мувофиқликда ҳаракатланади.
«Айни вақтда "Шарль де Голль" Ўрта Ер денгизининг шарқий қисмида бўлиб турибди. У ерда россияликлар ҳам бор. Биз Владимир Путин билан ахборотлар алмашган ҳолда ҳаракатланишга келишиб олдик. Бу иш аввал қандай бажарилган бўлса, бундан кейин ҳам шундай давом эттирилади», — деган Франция президенти Франсуа Олланд.
Мавзуга оид
20:38 / 18.03.2025
Франция ядровий каллакларга эга қирувчи самолётларини Германия билан чегарага жойлаштиради
09:39 / 04.05.2021
Франция ва Миср 30та Rafale қирувчи самолётини сотиб олиш бўйича шартномани имзолади
00:35 / 10.01.2018
Мўсулда қўлга олинган ИШИД жаллоди пора эвазига қўйиб юборилди – ОАВ
00:43 / 21.12.2017
Мўсулни озод қилиш вақтида ҳалок бўлган тинч аҳолининг ҳақиқий сони маълум қилинди
