Нигердаги қочқинлар лагерига қилинган ҳужум оқибатида 22 ҳарбий ҳалок бўлди

Нигердаги Малидан келган қочқинлар учун барпо қилинган лагерга номаълум кимсаларнинг ҳужум қилиши оқибатида 22 нафар ҳарбий хизматчи ҳалок бўлди. Бу ҳақда мамлакат бош вазири Бриги Рафини маълум қилган.

«Биз Тассалитдаги лагерга ҳужум уюштирилгани ҳақида маълумот олдик. Айни дамда 22 нафар ҳалок бўлганлар ҳақидаги маълумотга эгамиз, аммо бу қурбонлар ҳақидаги якуний хулоса эмас», — деди Нигер бош вазири.
Унинг қўшимча қилишича, қурбонлар сони ортиши мумкин. Ҳеч бир гуруҳ мазкур ҳужумни ўз зиммасига олмаган.