Эстония уруш бўлиш ҳолатига режа тузишни бошлайди

Эстонияда 1 декабрдан Таллин маъмуриятидаги махсус ишчи гуруҳ ҳарбий таҳдид ва мамлакатдаги бошқа инқирозли вазият ҳолатига режа тузишни бошлайди. Бу ҳақда Eesti Paevaleht нашри хабар бермоқда. 

Эстониялик амалдорларнинг фикрича, ҳарбий хатарларни агар аҳолини тегишли равишда тайёрласа минималлаштириш мумкин. "Аҳолининг яхши тайёргарчилик кўргани ҳужум қилмасликка сабаблардан биридир", деб айтди махсус гуруҳ раҳбари Марго Клаос.

Таллин мунтазам равишда Россия томондан ҳарбий таҳдид борлиги тахминини айтиб келади. Сентябрда Эстония мудофаа кучлари бош штабида Россиянинг АН-72 ҳарбий самолёти мамлакатнинг ҳарбий чегарасини бузгани маълум қилинган. Эстониялик ҳарбийларнинг маълум қилишича, бу Фин кўрфазидаги Вайндлоо ороли яқинида юз берган. Самолёт Эстония ҳаво ҳудудида 1,5 дақиқача бўлган.

24 май куни Латвия, Литва ва Эстония мудофаа вазирлари Болтиқбўйида НАТО қўшинлари ва қуролланишлари учун визасиз ҳудудни яратишни таклиф қилишган. Улар берган баёнотда "Россиянинг хатти-ҳаракатлари жиддий хавф туғдираётгани ва НАТОнинг барча иттифоқдошларига рахна ҳисобланиши" айтилган.