Сингапурда судга WhatsApp орқали чақиришга рухсат берилди

Фото: EPA

Сингапур суди фуқаролик ишлари бўйича маҳкама жараёнига WhatsApp мессенжери орқали чақиришга рухсат берди.

Шаҳар мамлакатда чоп этиладиган The Straits Times газетасининг ёзишича, яқинда R&D Pharmaceuticals компаниясининг заём олган хусусий шахсга шундай мурожаат қилгани рўйхатга олинган.

Судланувчи Тан Чонг Минга кўрсатилган манзил бўйича бир неча бор одатдаги усулда чақирув мактубини топширишга муваффақиятсиз уринишган. Шундан сўнг, WhatsApp мессенжери орқали хабарнома юборилган. Натижада судга огоҳлантириш мактуби олувчига етказилгани хусусида ҳисобот топширилган.

Сингапур Олий суди шу йилнинг май ойида фуқаролик ишлари бўйича огоҳлантириш мактубларини электрон почта манзилига юборишга рухсат берган эди.

Тайёрлаган: Толиб Раҳматов

#WhatsApp #мессенжер #Сингапур #Олий суд