Кореянинг Samsung компанияси батареялари ёниб кетиши оқибатида қайтариб олиниши эълон қилинган Galaxy Note 7 эгалари учун янги товон схемасини таклиф этмоқда. Бу АҚШ ва Жанубий Корея судларига топширилган жамоавий мурожаатларга қарши ўзига хос жавобдир.
Ҳозирда, ишлаб чиқарувчи Galaxy Note 7 смартфонини Galaxy S7 ёки Galaxy S7 Edge телефонларига алмаштиришни таклиф этмоқда. Шу билан бирга, харидорга нарх ўртасидаги фарқ тўлаб берилади. Ўз навбатида, бу қурилмаларни янги Galaxy S8га алмаштириш мумкин бўлади.
Таъкидланишича, шу каби дастур бир неча мамлакатлардаги Galaxy Club аъзоларига нисбатан аллақачон жорий қилинган. Унинг иштирокчилари эски флагман телефонини янгисига алмаштиришлари мумкин бўлади. Бунда, улар ҳар ой арзимаган маблағни тўлаб туради.
Эслатиб ўтамиз, АҚШ ва Жанубий Кореяда Samsung компаниясига қарши гуруҳ бўлиб аризалар топширилган. Galaxy Note 7 эгалари, ишлаб чиқарувчи етарли товон таклиф этмаганини даъво қилишмоқда.
