Хитой шимолида юз берган портлаш оқибатида 10 киши ҳалок бўлди

Фото: ЕРА (архив)

Хитойнинг Шэньси вилоятидаги Синьминь қишлоғидаги уйда портлаш юз бергани оқибатида 10 киши ҳалок бўлди, 157 киши жароҳат олди. Улардан 11 нафарининг аҳволи оғир, деб хабар бермоқда "Синьхуа" ахборот агентлиги.

Маълум қилинишича, портлаш оқибатида яқин атрофдаги бир неча уй ва госпиталь вайрон бўлган. Қидирув-қутқарув ишлари олиб борилмоқда. Таъкидланишича, қурбонлар ва жароҳатланганлар сони ошиши мумкин.

Воқеа сабаблари ва тафсилотлари аниқлаштирилмоқда.