Америкалик актёр Леонардо ДиКаприо ишлаган, иқлим ўзгаришлари ҳақидаги ҳужжатли фильм YouTube порталида пайдо бўлди. Бу "Тўфондан олдин" номли фильмни National Geographic канали орқали кузатиш мумкин.
Картина 30 октябрь куни намойиш этилган. Бир кун ичида бу фильм 1,1 миллион марта томоша қилинган.
Фильмга Фишер Стивенс режиссёрлик қилган.
«Мен шунчаки, биз қаергача етиб келганимизни билмоқчиман. Энди биз буни тўхтата олармикинмиз?», – деган ДиКаприо лентада.
Бундан олдинроқ, ДиКаприо «Тўфондан олдин» фильмини суратга олиш жараёнида «ўлмоқдан бери бўлгани» ҳақида хабар берилганди.
