Спортнинг қўл тўпи тури бўйича Ўзбекистон чемпиони номи маълум бўлди

Тошкентда қўл тўпи бўйича Ўзбекистон чемпионати якунланди.бу ҳақда ЎзА хабар бермоқда.

Ўзбекистон Маданият ва спорт ишлари вазирлиги ҳамда Гандбол федерацияси томонидан ташкил этилган чемпионатда 2004-2005 йилларда туғилган ўғил ва қизлардан ташкил топган жамоалар ғолиблик учун баҳслашди.

Ўғил болалар ўртасидаги ҳал қилувчи финал учрашувида Тошкент шаҳри жамоаси Қорақалпоғистон жамоасини 28:26 ҳисобида мағлубиятга учратиб, биринчи ўринни эгаллади.
Қизлар ўртасида Сирдарё вилояти жамоаси чемпионатнинг финал баҳсида Қорақалпоғистон жамоаси билан рақобатлашди. Мазкур ўйинда сирдарёлик ўсмирлар рақибларини 22:19 ҳисобида енгиб, чемпионат ғолиби бўлди.