Олимлар Янги Зеландияда яна зилзила бўлиши мумкинлигини айтишди

Сейсмологлар Янги Зеландия аҳолисини юз бериши мумкин бўлган силкинишлардан огоҳлантирмоқда. Бу ҳақда GeoNet маълумотига асосланиб, Phys.org портали хабар бермоқда.

«Биз бунга ўхшаш ҳолатни илк марта учратаяпмиз», — деди Янги Зеландия миллий институтининг денгиз геологи Жошу Маунтжой. Унинг айтишича, мана шундай ғайриоддий табиий ҳодисага , косейсмик фаоллик, яъни барча сейсмик тўлқинларнинг вайронкор жойдан бир вақтда ўтиши сабаб бўлмоқда.

Эслатиб ўтамиз: 13 ноябрь куни Янги Зеландия қирғоқлари яқинида 7,5 балли ер силкиниши қайд этилди. Маълумотларга кўра, ер қимирлаши маҳаллий вақт билан соат 11.02да, Амберли шаҳридан 63 километр, Крайстчерч шаҳридан 93 километр жануби-шарқдаги нуқтада қайд этилган. Зилзила ўчоғи 8 километр чуқурликда жойлашган.