87 мингдан зиёд киши муддатидан илгари овоз бериш жараёнида иштирок этди

Ўзбекистон Президенти сайловида муддатидан илгари овоз берган фуқаролар сони 1 декабрь оқшоми ҳолатига кўра 87,5 минг кишини ташкил этди. Бу ҳақда Марказий сайлов комиссиясининг матбуот хизмати маълум қилган.

Муддатидан илгари овоз бериш 24 ноябрда бошланган бўлиб, 2 декабрга қадар давом этади. Унда 4 декабрь куни ўз яшаш жойида бўлмайдиган фуқаролар иштирок этиши мумкин.

Бу борада эрталаб соат 09.00дан соат 18.00гача сайлов участкасига мурожаат қилиниши керак бўлади.