Йирик технологик компаниялар террорчиликка қарши бирлашдилар
Дунёнинг энг йирик технологик компаниялари, жумладан Microsoft, YouTube, Facebok ва Twitter интернетда "террорчилик контенти"ни тарқатишга қарши курашишда ёрдам берадиган маълумотлар базасини яратишларини эълон қилишди. Бу ҳақда The Wall Street Journal нашри хабар бермоқда.
"Интернетда террорчиликни олға сурадиган контентга бизнинг сервисларда жой йўқ. Биз бирлашмамиз бундай контентга қарши курашдаги самарадорликни кучайтиришга имкон беришига умид қиламиз", деб айтилмоқда тўрт компаниянинг қўшма баёнотида.
Компаниялар биргаликдаги иш доирасида қоидаларни бузувчи ва одамларни террорчиликка чорловчи видеоларни рақамли кўринишда белгилайдилар. Кейинчалик улардан ҳар бири бундай контентни ўз сервисида тезроқ аниқлаб, ўчириб ташлай олади.
Компаниялар баъзи техник масалаларни ҳал қилиш учун бу ишга кейинги йилдан бел боғлашади.
Аввалроқ Twitter охирги йил ичида ИШИД билан боғлиқ 400 мингта аккаунтни блоклаб қўйгани маълум қилинганди.
Мавзуга оид
22:30 / 04.10.2024
YouTube хатолик сабаб юзлаб аккаунтларни спам ва фирибгарлик учун блоклаб қўйди
23:20 / 03.10.2024
Билл Гейтс сунъий интеллект олдидаги учта асосий қўрқувини айтди
23:10 / 29.09.2024
Microsoft сунъий интеллектга асосланган скриншотларни яратиш воситасини қайта ишга туширади
00:48 / 26.09.2024