Истанбулдаги теракт қурбонлари 29 нафарга етди

Истанбулда содир этилган иккита портлаш қурбонлари сони 29 нафарга етди, улардан 27 нафари полиция ходими. Бу ҳақда Туркия ИИВ раҳбари Сулаймон Сойлу маълумотига асосланиб, “Рейтер” хабар бермоқда.

Портлашлар оқибатида жабрланганлар сони 166 нафарга етди. Аввалроқ 15 киши ҳалок бўлгани ва ярадорлар сони 70 нафарни ташкил этаётгани хабар қилинган эди.
Сулаймон Сойлунинг маълум қилишича, ушбу портлашларга алоқадорликда гумон қилиниб, 10 киши ушланган. Унинг айтишича, машинадаги мина масофадан туриб ҳаракатга келтирилган.
Эслатиб ўтамиз, Туркия ОАВ хабарига кўра, портлаш Тошкент вақти билан 00.30да Мачка парки ва “Водафон Арена” стадиони олдида юз берди.