Ҳалабдан эвакуация қилиш жараёни суратларда

15 декабрь куни Суриянинг Ҳалаб шаҳри шарқий туманларидан одамларни эвакуация қилиш ишлари олиб борилди. Бу ҳудуд Сурия қуролланган мухолифати назорати остида ҳисобланади. Белгиланган жойга ўнлаб автобус ва тез ёрдам машиналари етиб келди. Кейинроқ улар Идлиб томон йўл олган. Халқаро Қизил хоч жамияти маълумотларига кўра, кўчирилганлар орасида 1 мингга яқин яраланган тинч аҳоли вакиллари бор.

Аввалроқ, Россия Бош штаби 5 мингга яқин жангари ва уларнинг оила аъзолари шаҳарни тарк этиши ҳақида ўз тахминини билдирган эди. Шу билан бирга, Сурия президенти Башар Асад Ҳалабнинг озод этилишини тарихнинг милоддан аввалги ва кейинги даврларга тақсимланишига қиёслаган. Қуйида эвакуация жараёнида олинган суратлар тўплами билан танишиш имконига эгасиз.