Фото: Info.islom.uz
Тошкентда жойлашган «Шайх Зайниддин» жомеъ масжиди ёнида «Ҳилол-нашр» нашриёт-матбаасининг янги савдо шохобчаси ишга тушди.
Бу ҳақда Info.islom.uz хабар бермоқда.
Маълумотларга кўра, мазкур дўкондан «Ҳилол-нашр» нашриёт-матбаасининг барча маҳсулотларини – китоблар, аудио ва видеомаҳсулотларни харид қилишингиз мумкин. Бундан ташқари, бу ерда турли хил диний-маърифий, адабий, илмий-оммабоп китоблар, газета-журналлар савдоси ҳам йўлга қўйилади. Айни пайтда, Ўзбекистонда дин йўлида хизмат қилаётган уламолар, имом-хатибларнинг жума мавъизалари ва бошқа мавзулардаги медиамаҳсулотлар ҳам дўкон пештахталаридан жой олган.
