Фото: Patipat Janthong
Бангкокда юк машинаси ҳайдовчиси полиция таянч пунктини бузиб кириб, йўл четидаги тўсиққа бориб урилган. Бунинг оқибатида камида 18 киши жароҳат олган, 30 та автомобиль ва 6 та мотоциклга шикаст етган, деб хабар бермоқда bangkokpost.com.
Полициячилар катта тезликда кетаётган бебош ҳайдовчини юк машинаси ғилдиракларига ўқ узибгина тўхтата олишди. Ҳайдовчи қўлга олинган.
Дастлабки маълумотларга кўра, ҳайдовчи гиёҳванд моддалардан маст ҳолатда бўлган.
