Фото: Prezident.kg
Қирғизистон Республикаси Президенти Алмазбек Атамбаев Ўзбекистон Республикасига амалий ташрифи доирасида Ўзбекистон Президенти Шавкат Мирзиёев билан бирга Жомбой туманидаги «Man Auto-Uzbekistan» заводига ташриф буюрди. Бу ҳақда, Қирғизистон давлат раҳбари матбуот хизмати хабар қилмоқда.
Давлат раҳбарлари ушбу ташриф чоғида ўзбек-герман қўшма корхонаси фаолияти билан яқиндан танишишган ҳамда ушбу заводда ишлаб чиқарилаётган техника намуналарини кўришган.
Президент Алмазбек Атамбаев ва Президент Шавкат Мирзиёев, шунингдек, Ўзбекистонда ишлаб чиқариладиган халқ истеъмоли моллари, текстиль ва автомобиль саноати маҳсулотлари ярмаркасига ҳам ташриф буюришган.
