Японияда кучли зилзила содир бўлди

Япониянинг шарқий қирғоқларида 6,3 магнитудали кучли зилзила содир бўлди, деб хабар беради Reuters.

Таъкидланишича, ер силкиниши маркази Ибараки префектурасининг шимолий қисмида жойлашган. Зилзила ўчоғи 10 километрлик чуқурликда жойлашгани хабар қилинди.

NHK телеканали маълумотларига кўра, Мито шаҳри аҳолиси ер силкинишини беш сония давомида ҳис этган.

Айни дамда вайроналар ва ҳалок бўлганлар ҳақида маълумот йўқ.