Хитойда Трампга ўхшаш хўроз ҳайкали ўрнатилди

Фото: cnn.com

Хитойнинг Тайюань шаҳар округида АҚШнинг сайланган президенти Дональд Трампга ўхшаш бўлган хўроз ҳайкали ўрнатилди. Бу ҳақда CNN хабар бермоқда.

Америкалик сиёсатчининг ноодатий соч турмагига эга бўлган жонивор ҳайкали Хўроз йили арафасида савдо марказларидан бирининг ёнида пайдо бўлди.

Ҳайкал савдо мажмуаси эгаларидан бири томонидан буюртма қилинган. Келажакда шу мавзуда бутунбошли серия ва Трампга ўхшаш бўлган хўрознинг кичик нусхалари чиқарилиши режалаштирилган.

Аввалроқ, Трампга ўхшаш бўлган тустовуқ ҳам интернетда машҳур бўлиб кетганди. Беш ёшли жониворни Ханчжоулик журналист сафари-боғда суратга туширган.