Венесуэлада ҳарбий вертолётнинг ҳалокати натижасида барча йўловчилар ҳалок бўлди

Фото: AFP

Венесуэлада Ми-17 ҳарбий вертолётининг ҳалокатга учраши натижасида камида 16 киши ҳалок бўлди. Бу ҳақда ACN агентлиги хабар бермоқда.

Манба берган маълумотга кўра, 30 декабрь куни йўқолиб қолган венесуэлалик ҳарбийларга тегишли бўлган Ми-17 душанба куни топилган. Вертолёт ҳалокати натижасида барча йўловчилар ва экипаж аъзолари ҳалок бўлди – 11 нафар ҳарбий хизматчи ва 5 нафар йўловчи.

Маълум қилинишича, ҳалок бўлганлар орасида 4 ёшли бола ҳам бор.

Ҳозирда ҳукумат вертолётнинг ҳалокатга учрагани ҳақидаги маълумотларни тасдиқлагани йўқ.