Россиянинг Ивангороддаги автомобилларни ўтказиш пунктида ҳам кулгили, ҳам ачинарли ҳолат юз берди. Бу ерда божхона расмийлаштируви вақтида қарға Эстония фуқароси паспортини юлиб олиб қочиб кетди.
"Сурбет қуш ҳужжатни юлиб олиб, учиб кетди. Ҳаммаси шунчалик тез содир бўлдики, ҳеч ким нима бўлаётганини англай олмай қолди", деб айтилди божхона сайтида. Божхоначилар "бечора" эркакка ёрдам беришга ҳаракат қилганлар, улардан бири ҳаттоки қушнинг ортидан қувлашга тушган, бироқ қарға паспорт билан Эстония томон ғойиб бўлган. Эстониялик фойдаланувчилар ҳазиллашиб, қуш рус қарғаси бўлганини айтишган.
