Таъсирли видео: Севимли ўқитувчини пенсияга қандай кузатиш керак

Франциянинг Кот-д’Оре шаҳридаги жисмоний тарбия ўқитувчиси Алан Доннат коллежда 38 йил болаларга дарс берганидан сўнг пенсияга чиқди. Унинг сўнгги иш кунида тахминан 700 нафар ўқувчи уни фахрий қоровул ташкил қилиб, шарафлашган.

Ўқитувчи кутилмаган қарсаклардан аввалига ҳайратга тушди, шундан сўнг ўқувчилар ташкил этган махсус йўлакдан ўтиб кетган. «Мен жуда ҳам йирик йўлак ташкил қилиб турган коллеж ўқувчиларини кўрдим ва нима қилиш керак деб ўйладим. Олдинга қараб юрайми ёки ортга қайтайми? Мен кўзида ёш айланиб турган болаларнинг нигоҳи билан тўқнашиб, ўзим ҳам йиғлаб юбордим» - дея тан олди Алан.