«Барселона» раҳбарияти ФИФАнинг энг яхшиларни тақдирлаш маросимига ўз футболчиларини жўнатмаслиги ҳақидаги қарори ташкилотни ранжитди. Бу ҳақда Marca хабар берган.
Тақдирлаш маросимида энг яхши футболчи бўлиш учун даъвогар уч футболчидан бири бўлган каталонияликлар ҳужумчиси Лионель Месси ҳамда йил рамзий терма жамоасидан ўрин олишга даъвогар бўлган Андрес Иньеста, Луис Суарес ва Жерар Пикелар ҳам иштирок эта олмайди.
«Барселона»да бу вазиятни жамоанинг «Атлетик»ка қарши Испания кубоги учрашувига тайёргарлик кўриш билан изоҳлаган. Биринчи учрашувда каталонияликлар 1:2 ҳисобида имкониятни бой беришган.
