Фотожамланма: Буюк Британияда кучли қор ва совуқ об-ҳаво ҳукмрон

Буюк Британияга бўрон ҳаво ҳароратининг кескин пасайиши ва кучли қорларни олиб келди. Мамлакат бўйлаб автомобиль ҳаракати мураккаблашган. Шарқий қирғоқ аҳолиси сув тошқинлари борасида огоҳлантирилди, баъзилар хавфсиз ҳудудларга кўчирилган.

Мамлакатнинг бир қатор ҳудудларида қор эриб кетган, бироқ совуқ об-ҳаво сабаб музга айланди. Йўллардаги вазият янада ёмонлашган. Темир йўл қатнови бекор қилинди, юзлаб авиарейслар қолдирилди.

Шотландияда эса йўлларнинг бир қисми бутунлай ёпилган ва баъзи бир мактабларда ўқувчиларга уйларида қолишга рухсат берилган.