Истанбулда янги йил кечасидаги терактга алоқадор кишилар қўлга олинди

Туркия полицияси Истанбулда янги йили кечасида Reina тунги клубида 39 кишини отиб ташлаган террорчининг икки тахминий шеригини қўлга олди. Бу ҳақда Haberturk нашри хабар бермоқда. 

Хавфсизлик кучлари маълумотларига кўра, терактга алоқадорликда гумон қилиниб Хитой фуқароси Умар Асим ва унинг шериги Абулез Абудухамит қўлга олинган. Уларнинг ишлари ҳибсга олишни сўраш билан судга топширилган.

Аввалроқ Истанбул полицияси терактни бевосита содир этган кимсанинг шахсини аниқлагани, у Абдулгадир Машарипов исмли кимса бўлиб чиққани маълум қилинганди.