Ироқ хавфсизлик кучлари Мўсўлнинг жануби-шарқий қисмини ИШИД жангариларидан озод қилди.
Ироқ давлат телевидениеси маълумотларига кўра, федерал полиция отрядлари ҳарбий-ҳаво кучлари ёрдамида Мўсулнинг Фаластин, Сомар, Домиз, Вахде, Мисак, Салом, Яримжа ва Ширқий Яримжа мавзеларини озод қилган.
2016 йил 17 октябрга ўтар кечаси Ироқ бош вазири Ҳайдар ал-Ободий Мўсулнинг ИШИД жангариларидан озод қилиниши операцияси бошланишини эълон қилганди. Шаҳар 2014 йил июнидан жангарилар назоратида қолмоқда.
Жангариларга қарши операция коалиция кучларининг ҳаводан қўллаб-қувватлаши ва Ироқ армияси, курд айирмачи кучлари ("пешмерга"), "Хашди Шаби" шиа кўнгилли жангчилари ва Ироқ ички ишлар вазирлиги иштирокида ўтказилмоқда.
