Хитойга 2016 йилда энг кўп нефть экспорт қилган мамлакат маълум бўлди

Фото: Reuters

Россия Хитойнинг ўтган йилдаги энг йирик нефть экспортчиси бўлди. Бу ҳақда Reuters Хитой божхона бош бошқармасига асосан хабар берди.
«Россиядан Хитойга нефть етказиб бериш ҳажми 2016 йилда 25 фоизга ошиб, суткасига 1,05 миллион баррелни ташкил этди», - дейилади хабарда.
Агентликда таъкидланишича, Хитойга нефть экспорт қилиш бўйича иккинчи ўрин Саудия Арабистонига тегишли. Бу мамлакатдан Хитойга экспорт ҳажми суткасига 1,02 миллион баррелни ташкил қилди.