Қирғизистондаги Boeing ҳалокатида қурбон бўлганлар сони 39 кишига етди
Қирғизистон пойтахти Бишкек яқинида Boeing 747 юк самолёти ҳалокати оқибатида қурбон бўлганлар сони 39 кишига етди. Бу ҳақда Қирғизистон соғлиқни сақлаш вазирлиги ТАССга хабар берган.
"Республика травматология ва ортопедия илмий-тадқиқот марказида 29 ёшли Сагинбек Раҳмонов ҳаётдан кўз юмди. У самолёт қулаган жойдан даволаш муассасасига олиб келинганди", - деб таъкидлаб ўтишган вазирликда. Маълумотларга кўра, ёш йигитнинг ўлимига кўплаб куйиш жароҳатлари сабаб бўлган. "Бизнинг ходимлар қўлларидан келган барча ишни амалга оширишди, бироқ беморни сақлаб қолишнинг имкони бўлмади", - деб таъкидлаб ўтишди соғлиқни сақлаш вазирлигида.
"Айни дамда Бишкек касалхоналари ва клиникаларида самолёт қулашида жароҳат олган тахминан 10 киши қолмоқда", - дея аниқлик киритишди вазирликда.
Туркия компанияларидан бирига тегишли Boeing 747-400 самолёти Бишкекдаги “Манас” халқаро аэропортининг учиш-қўниш қисмидан 1,5 км узоқликда фалокатга учраган. Самолёт аэропорт яқинидаги қишлоқ устига тушди. Бунинг оқибатида 32та уй вайрон бўлди. Лайнер Ҳонгконг-Бишкек-Истанбул рейси бўйича парвозни амалга ошираётган бўлган.
Мавзуга оид
00:20 / 22.09.2024
Boeing минглаб ходимларини мажбурий таътилга юборишни бошлади
18:15 / 14.09.2024
АҚШда Boeing ишчилари 2008 йилдан бери илк бор иш ташлашга чиқди. Улар нимани талаб қиляпти?
20:50 / 13.09.2024
АҚШда парвоз вақтида ҳарбий самолётнинг дум қисми узилиб тушди
21:30 / 07.09.2024