Ҳонгконгда Boeing учиш-қўниш йўлагидан чиқиб кетди ва денгизга қулади

Ҳонгконг халқаро аэропортида Boeing 777 юк самолётининг учиш-қўниш йўлагидан чиқиб кетиши оқибатида икки киши ҳалок бўлди.

Фото: Sam Tsang

South China Morning Post хабарига кўра, воқеа душанба куни эрталаб Дубайдан учган самолёт қўнаётган вақтда содир бўлган.

Душанба куни эрталаб Ҳонгконг халқаро аэропортининг шимолий учиш-қўниш йўлагидан чиқиб кетган юк самолёти ерусти транспорти билан тўқнашиб кетиши ва денгизга қулаб тушиши оқибатида икки киши ҳалок бўлгани хабар қилинди.

Самолёт бортида бўлган икки киши дастлаб бедарак йўқолгани ҳақида хабар берилган. 30 ёшли шахс денгиздан олиб чиқилди, бироқ воқеа жойида вафот этган. 41 ёшли иккинчиси Шимолий Лантау касалхонасига етказилган ва у ерда вафот этган.

Самолётнинг тўрт нафар экипаж аъзоси жабрланмаган.

Аэропортнинг шимолий учиш-қўниш йўлаги авария ҳолати ўрганиб чиқилгунга қадар вақтинча ёпилган.