Токиодаги боғ чиптачиси икки йил давомида чипта учун пул олмаган

Япониянинг "Синдзюку-гёэн" боғининг 71 ёшли ходими 2014 йил апрелдан хорижликлардан боғга кириш учун 200 йен миқдоридаги ҳақни олмай қўйган. Бунга эса 2014 йилда хорижликлардан бирининг қарияга инглиз тилини ёмон билиши сабабли бақиргани сабаб бўлган. Қария "шарофати билан" икки йил ичида боғга 160 минг киши бепул кира олган. Чиптачининг ўзи эса ўз ҳаракатларини ўғрилик деб ҳисобламаяпти.

Дастлабки маълумотларга кўра, номаълум хорижлик томонидан қўрқитилган чиптачи хорижликларга бепул чипталар расмийлаштирган, сўнгра уларни базадан ўчириб ташлаган.

2017 йилда боғ раҳбарияти чоп этилган чипталар ва базадаги кўрсаткичлар тўғри келмаётганига эътибор қаратган. Текширув эса чиптачи 2014 йилдан бери 160 минг марта ташриф буюрувчиларни бепул қўйиб юборганини кўрсатган.

Қариянинг ўзи инглиз тилини ҳақиқатан ёмон билишини, шунинг учун хорижликлар унга бақирмасликлари учун шундай найрангга борганини тан олган. Қария ўзини гўёки бировнинг пулини ўғирлагандек ҳис қилмаслигини айтган. Тафтиш бошлангандан кейин чиптачи пенсияга кетган ва боғ раҳбариятига 300 минг иеналик пенсия нафақасининг ярмини беришни таклиф қилган.

Чиптачи ҳақидаги янгиликлардаги изоҳларда кўпчиликнинг унга раҳми келган ва боғ раҳбарияти кекса одамни тушуниб, ундан пул олмаслигига умид қилган.