Малайзия қирғоқлари яқинида бортида 31 киши, жумладан 20 нафар хитойлик сайёҳ бўлган кема йўқолиб қолди. Бу ҳақда Хитой бош консуллигида маълум қилинди, деб хабар бермоқда "Синьхуа" ахборот агентлиги.
Кема Кота-Кинабалу шаҳридан Шабах штатидаги оролга кетаётган бўлган. Кема билан алоқа 28 январда йўқолиб қолган. Айни вақтда қидирув-қутқарув ишлари олиб борилмоқда ва унда кема ҳамда вертолётлар иштирок этмоқда. Қидирув ҳудуди 400 денгиз квадрат милини қамраб олган.
Кема йўқолиши сабаблари номаълум, бироқ маълум қилинишича, 28 январда кема йўқолган ҳудудда кучли тўлқинлар кузатилган.