Видео: Кубаликлар ҳамқишлоғининг дафн маросимини саҳналаштиришди

Кубадаги Сантьяго-де-лас-Вегас қишлоғида карнавал мавсуми саҳналаштирилган “дафн маросими” билан якунланди – кўчалар бўйлаб тирик инсон бўлган тобутли “мотам” маросими ўтган.

Бу анъанага қарийб 30 йил бўлиб, “Паченчо дафн маросими” номига эга. Жорий йилда бош қаҳрамон ролини “ижро этиш” 52 ёшли Дивальдо Агиаруга насиб этди. Эркак ролга шунчалик киришиб кетдики, “ғамга ботган” ҳамқишлоқлари ва “бева”си у туфайли кўз ёши тўкаётганликларида афтини буриштириб олди.

Маҳаллий аҳоли вакилларининг сўзларига кўра, бу ноодатий байрам – вафот этган инсон устидан кулиш эмас, балки ҳаётий муаммолар майда экани ва умрнинг ўзи нақадар бебаҳолигини эслатиб қўйишни мақсад қилган.