АҚШ вице-президенти Майк Пенс Fox News телеканали эфирида АҚШ президенти Дональд Трампнинг Россия президенти Владимир Путин ҳақидаги сўзлари Америка халқига қаратилмаганини айтди.
Аввалроқ Трамп Fox News’га берган интервьюсида дунё ва АҚШда жуда кўплаб қотиллар борлиги ва АҚШ ҳам "фаришта" эмаслигини айтган. У телеканал бошловчисининг Путинни "қотил" деган сўзларига шундай изоҳ берган.
"У айтган сўзлар Америка халқи ёки Россия халқининг олий мақсадлари ва тажрибаларининг бир хилдаги маънавий баҳоларига қандайдир йўсинда қаратилмаган бўлган", деб айтди Пенс.
Пенс Трамп Россия халқи ва унинг ҳукумати билан янги муносабатлар бошлашга йўл қидираётганини таъкидлаб ўтди. Унинг айтишича, Трамп "Биз бирга ишлашимиз учун йўллар борми?" деган савол билан иш кўрмоқда.
Пенснинг таъкидлашича, АҚШ "жуда жиддий синовлар" олдида турибди.
"Ростини айтганда, биз радикал террорчиликка қарши курашишда янги коалиция ва янги шерикликлар яратишимиз керак. Айниқса Россия ва АҚШ ИШИД кўринишида умумий душманга эга", деб айтган Пенс.
