Япония пойтахти Токио шаҳрининг Аракава махсус туманидаги кимё заводидан цианид сув эритмаси сизиб чиқди, заҳарланган кишилар ҳақида маълумот йўқ.
NHK телеканалининг хабарига кўра, нормативлар билан барча миқдорида тақиқланган модда Аракавадаги сув тозалаш қурилмалари мажмуасини текшириш чоғида оқова сувларда аниқланган. Маълум бўлишича, модда сувга мажмуадан 4 километр узоқликда жойлашган кимёвий заводдан тушган.
Тахминларга кўра, сизиб чиқиш цианид сувли эритмаси бўлган цистерналардан биридан рўй берган. Айни дамда ҳодиса тафсилотлари ўрганилмоқда.
Маълумот учун, цианидлар металларни қайта ишлаш, органик синтез, электрокимё ва бошқа соҳаларда кенг қўлланилади. Барча цианидлар жуда заҳарли бўлиб, уларни сичқон ва каламушларга қарши заҳар сифатида ишлатишади. Бундан ташқари, баъзи бир цианидлар жанговар заҳарловчи моддалар сифатида қўлланилган.
