Шавкат Мирзиёев Сурхондарё вилоятига ташриф уюштирди

Ўзбекистон Республикаси Президенти Шавкат Мирзиёев жойларда ижтимоий-иқтисодий ислоҳотларнинг бориши, амалга оширилаётган бунёдкорлик ва ободонлаштириш ишлари билан яқиндан танишиш, халқ билан мулоқот қилиш мақсадида 10 февраль куни Сурхондарё вилоятига ташриф буюрди. 

ЎзА хабарига кўра, Шавкат Мирзиёев Сурхондарёга ташрифи давомида ўзининг сайловолди дастурида вилоятни иқтисодий-ижтимоий ривожлантириш бўйича белгиланган режалар ижроси, шаҳар ва туманларда амалга оширилаётган бунёдкорлик ишлари билан танишиши мўлжалланган. 

Президент ўтган йилнинг декабрида ҳам ушбу вилоятда бўлиб, вилоят кенгашининг навбатдан ташқари сессиясида иштирок этган, сессияда Навоий вилояти собиқ ҳокими Эркинжон Турдимов вилоятнинг янги ҳокими этиб тайинланганди.