Мадриднинг «Реал» клуби президенти Флорентино Перес клуб таркибини кучайтирмоқчи.
Diairo Gol нашрининг хабарига кўра, «қаймоқранглилар» «Челси» ярим ҳимоячиси Эден Азарнинг трансфери бўйича музокара ўтказган. Бу бельгиялик футболчига «Реал» Евро-2016 турниридан олдин ҳам қизиққанди.
Қайд этилишича испан гранди раҳбари«Манчестер Юнайтед» дарвозабони Давида Де Хеани қўлга киритиш учун яна бир уриниб кўради, бу футболчининг трансфери 2015 йил ёзида охирги дақиқаларда барбод бўлганди.
Перес «Реал» таркибини кучайтириши мумкин деб ҳисоблаётган яна бир футболчи – Пауло Дибаладир. Италиядаги нашрларда ёзилишича, «Ювентус» ҳужумчиси туринликлар клуби бош мураббийи Массимилиано Аллегри билан келиша олмаяпти. Шу билан бирга аргентиналик футболчи Испания чемпионатида ўйнашни истамоқда. Футболчи бундан олдинроқ берган интервьюларида«Барселона» сафида ўйнашни орзу қилиши ҳақида гапирганди, қолаверса унинг ватандоши, Аргентина терма жамоаси сардори Лионель Месси уни Каталонияга келишга кўндирмоқчи.
Манбанинг хабар беришича, бу футболчиларнинг барчаси шу йил ёзида «Реал»да пайдо бўлиши мумкин.
