Ўзбекистон ва Словакия гиёҳванд моддаларга қарши курашади

2017 йил 23 февралда Ўзбекистон ҳукумати ва Словакия ўртасидаги гиёҳванд моддалар, психотроп моддалар, прекурсорларни ноқонуний айлантиришга қарши курашдаги ҳамкорлик ҳақидаги келишув кучга кирди.    

Ўзбекистон ва Словакия бу ҳужжатни 2016 йил 20 сентябрда Тошкентда имзолаган.

Ҳужжат билан икки давлат тегишли идоралари ўртасида гиёҳванд моддалар, психотроп моддалар, прекурсорларни ноқонуний айлантиришга қарши кураш ҳамда прекурсорларни қонуний ишлаб чиқариш, тарқатиш ва фойдаланиш соҳасида ҳамкорлик механизмини яратиш кўзда тутилади.