Қўшимча функционаллар
-
Тунги кўриниш
Малайзия Шимолий Корея билан визасиз тартибни бекор қилмоқда
Малайзия 6 мартдан Шимолий Корея фуқаролари учун визасиз тартибни бекор қилмоқда.
Reuters’нинг Малайзия бош вазири ўринбосари Аҳмад Зоҳид Ҳамидига асосан хабар беришича, Шимолий Корея фуқаролари Малайзия ҳудудига киришлари учун виза олишлари керак бўлади.
Хабар қилинишича, ушбу қарор Малайзия ҳудудида Ким Чен Намнинг ўлдирилишидан сўнг қабул қилинган.
Аввалроқ Малайзия прокуратураси Ким Чен Намнинг қотиллиги бўйича икки шахсга айбловлар қўйгани ҳақида хабар бергандик.
13 февраль куни Куала-Лумпур аэропортида икки аёлнинг ҳужумидан сўнг эркак ҳаётдан кўз юмди. Малайзия ҳукумати ҳалок бўлган шахс КХДР етакчиси Ким Чен Иннинг акаси Ким Чен Нам эканини тасдиқлади. Шу билан бирга, генетик таҳлил ҳозирча ўтказилмади.
Ким Чен Намнинг юзидан экспертлар VX асаб-фалажловчи заҳарли модда изларини топишди.
КХДР ва Малайзия муносабатлари
Малайзияда КХДР раҳбарининг акаси ўлдирилгач, икки мамлакат муносабатлари кескинлашмоқда. Томонлар дипломатик алоқаларни бутунлай узиш ёқасида турибди
Мавзуга оид
22:52 / 25.11.2024
Шимолий Корея баллистик ракеталар ишлаб чиқарувчи заводини кенгайтирмоқда
13:27 / 21.11.2024
Ўзбекистон фуқаролари Малайзияда қонуний асосда иш билан таъминланиши мумкин
18:59 / 19.11.2024
ЖЧ-2026 саралаши. Ўзбекистон Шимолий Корея билан ўйинда 10 киши қолиб, қийин ғалабага эришди
09:08 / 08.11.2024