Россия бош вазири Дмитрий Медведев айтиб ўтдики, Ғарб томонидан санкцияларнинг бекор қилинишини кутишда маъно йўқ. Унинг сўзларини ТАСС агентлиги келтириб ўтган.
«Қўрқишнинг ҳожати йўқ, санкцияларни ҳеч ким бекор қилмайди. Мен аввал ҳам айтгандим, Ғарб бу санкциялар доимий равишда амалда бўлиши учун барча чораларни кўрган. Бу қишлоқ хўжалигини ривожлантириш учун туртки беради»,— деган Медведев.
Бундан олдинроқ Россия бош вазири мамлакат аҳолисини санкциялар келтириб чиқарган шароитда «узоқ муддат яшаш»га тайёрланишга чақирганди.
