Бу ноёб кутубхонадаги китоб жавонлари ортида нима яширин?

Яхши китобни олиб, ўринга қулай ўрнашиб олишдан яхшиси йўқдек туюлади баъзан. Япониядаги ноодатий кутубхоналардан бирида бу икки севимли машғулот учун қулай имконият яратилган.

Book and Bed (Китоб ва каравот) - бу Токиода 30 кишига мўлжалланган кичик хостель. Бу ерга ташриф буюрганлар китобларга тўла кутубхона жавонлари ортида яширинган кичик ҳужрачаларда дам олишлари мумкин. 

Тунги уйқу учун энг яхши жой деб бўлмайди, албатта. Бу ерда қулай мартраслар, момиқ ёстиқлар, енгил адёллар йўқ. 

Ётоқхона бунинг ўрнига китобсеварларга ўзгача тажриба - китоб мутолаа қилиб, дам олишни таклиф қилади.

Бундай ётоқхонанинг бир кунлик нархи -  34 доллар атрофида. Ҳар бир номерда оддий матрас ва мутолаа учун чироқ бор. Шунингдек бепул Wi-Fi ҳам тақдим этилади. 

Маълумотларга кўра, кутубхонадаги китоблар сони - 3000 тага яқин.