Иванка Трампга тегишли компания АҚШ президентлик сайлови бўлиб ўтган кундан бошлаб мамлакатга 53,5 тонна Хитой товарларини олиб кирган. Бу ҳақида The Independent нашри хабар берди.
Экспертларнинг маълум қилишича, 8 ноябрдан 26 февралга қадар Америка божхонаси орқали Иванканинг компаниясига 82 юк йўлланган: уларда икки тонна полиэстрдан тикилган аёллар блузаси, сигир терисидан тайёрланган 1,6 минг ҳамён ва 23 тонна пойабзал бўлган. Бу товарларнинг барчаси Иванка Трамп маҳсулотларини ишлаб чиқариш лицензиясига эга уч Америка компанияси (G-Ill, Mondani Handbags ва Marc Fisher Footwear)нинг Хитойдаги фабрикаларида ишлаб чиқарилган.
Бир қатор ОАВ Иванканинг отаси, АҚШ президенти Дональд Трампнинг инаугурацияда сўзлаган нутқини ёдга олмоқда: "Биз икки оддий қоидани одатга айлантирамиз: "Америка маҳсулотини харид қил" ва "америкаликларни ишга ёлла". У маҳсулотларни хориждан келтирувчи компания раҳбарларини бир неча бор танқид қилган.
