А Серия. Еврокубоклар учун курашаётган «Милан» муҳим ғалабага эришди, «Интер»да дуранг 

Италия чемпионатининг 29-турида «Милан» «Женоа» билан ўйнади. Миландаги «Сан-Сиро» стадионида кечган учрашув тақдирини 33-дақиқада мезбонлар ярим ҳимоячиси Фернандес урган ягона гол ҳал қилди.

Ушбу учрашувдан сўнг миланликлар жамоаси 53 очко билан 6-ўринга жойлашди, «Женоа» эса 29 очко билан 16-ўринни эгаллаб турибди.

Миланнинг яна бир жамоаси «Интер» «Торино» майдонига сафар қилиб, 2:2 ҳисобидаги дурангни қайд этди. 

«Торино» сафида Даньеле Базелли ва Африйе Аква, «Интер» сафида эса Жоффрей Кондогбиа ва Антонио Кандрева биттадан голга муаллифлик қилди. 

«Интер» эндиликда 55 очкоси билан турнир жадвалининг 5-поғонасида, «Торино» эса очколари сонини 40тага етказган ҳолда ўнликни якунлаб турибди. 

Италия чемпионати, 29-тур
Милан – Женоа 1:0 (1:0, 0:0)
Гол: 1:0 – 33 Фернандес. 
Милан – Доннарумма, Де Шильо, Сапата, Палетта, Ванджони, Куцка, Бертолаччи (Локателли, 3), Фернандес (Пашалич, 74), Окампос, Лападула (Антонелли, 87), Деулофеу.
Женоа – Ламанна, Иццо (Бираски, 69), Муньос, Хентилетти, Лаксальт, Катальди, Лазович (Эденилсон, 61), Хильемарк, Нтчам, Таарабт (Пинилья, 76), Симеоне.
Огоҳлантиришлар: Катальди (36), Де Шильо (78), Хентилетти (90).

Торино – Интер 2:2 (1:1, 1:1)
Голлар: 0:1 – 27 Кондогбиа, 1:1 – 33 Базелли, 2:1 – 59 Аккуа, 2:2 – 62 Кандрева.
Торино – Ҳарт, Дзаппакоста, Россеттини, Моретти, Молинаро, Базелли (Лопес, 85), Лукич, Аккуа, Итурбе (Яго Фальке, 70), Белотти, Ляйич (Бойе, 65).
Интер – Ҳанданович, Д`Амброзио, Медель (Мурильо, 57), Миранда, Ансальди, Гальярдини, Кондогбиа (Брозович, 76), Кандрева, Банега (Эдер, 60), Перишич, Икарди.
Огоҳлантириш: Лопес (90).