«Барселона» ёзда катта маблағ сарфлаб ярим ҳимоячи олади

«Барселона» ёзги трансферлар вақтида ярим ҳимоя чизиғини мустаҳкамлаш учун катта маблағ ажратади.

Андрес Иньестанинг кўп жароҳат олаётгани, шунингдек Сержи Бускетс ва Иван Ракитич ўйинида кузатилаётган пасайиш жамоанинг жорий мавсумдаги натижаларига салбий таъсир кўрсатаётгани қайд этилган.

El Mundo Deportivo хабарига кўра, каталонияликлар жамоаси Филиппе Коутиньо («Ливерпуль») ва Марко Верраттини («ПСЖ») кўз остига олган.

Шунингдек, клуб раҳбарияти «Бавария» хавбеки Тиаго Алькантарани ортга қайтаришни мўлжаллаган. Жамоа ушбу футболчилардан камида бирини таркибга қўшиб олишни ният қилган.