22 март кунининг иккинчи ярмида Reuters Британия парламенти биноси олдида отишма содир бўлгани ҳақида хабар берди.
Кўп ўтмасдан парламент биносига олиб борувчи йўлда машина одамларни босиб ўтгани хабар қилинди.
Кейинроқ парламент олдида навбатчилик қилаётган полициячиларга пичоқ билан ҳужум қилинган, полиция ҳужум қилган шахсга қарата ўт очган.
Бу ҳодисалар Брюсселдаги қонли воқеаларга бир йил тўлган кунда рўй берди.
Лондон полицияси бу ҳодисаларни теракт деб атади.
Ҳозирча қурбонлар ва жабрланувчилар ҳақида расмий маълумотлар берилмади.
Айни вақтда мамлакат бош вазири парламент биносидан хавфсиз жойга кўчирилган. Депутатлар бино ичида қолмоқда.
Охирги маълумотларга кўра ҳудудга сапёрлар чақирилди.
