Трампнинг ўғли Лондон ҳокимини танқид қилди

АҚШ президентининг ўғли кичик Дональд Трамп Лондон ҳокими Содиқ Хонга Британия пойтахтида юз берган ҳужумдан сўнг аввалги баёнотларини эслатгани туфайли танқид остига олинди. Бу ҳақда The Guardian ёзмоқда.

Трампнинг кичик ўғли Independent нашрида 2016 йилнинг сентябрида эълон қилинган мақолага илова берган, унда Хоннинг терактлар “катта шаҳардаги ҳаётнинг бир қисми” экани ҳақидаги сўзлари иқтибос келтирилган.

“Сиз ҳазиллашмоқдамисиз?!”, - дея ёзган кичик Трамп нашрнинг “Лондон ҳокими Содиқ Хоннинг айтишича, террорчилик ҳужумлари катта шаҳардаги ҳаётнинг бир қисмидир” деган сўзларига ишора қилиб.

Нашрнинг ёзишича, кичик Трамп бу изоҳ ярим йил аввал эълон қилингани юзасидан аниқ маълумотга эга бўлмаган бўлиши мумкин.

Таъкидланишича, Хон бундай баёнот билан Нью-Йоркдаги ҳодисаларга изоҳ берган, ўшанда 26 киши жароҳат олганди.