Нидерландия терма жамоаси бош мураббийи ишдан ҳайдалди

Данни Блинд Нидерландия терма жамоаси бош мураббийи лавозимидан бўшатилди. У ЖЧ-2018 саралаш босқичининг Болгария билан ўйиндаги мағлубиятдан сўнг ишдан ҳайдалди, деб хабар бермоқда KNVB сайти.

Софиядаги «Василь Левски» стадионида кечган баҳс мезбонлар фойдасига 2:0 ҳисобида якунланди. Фред Грим Нидерлания термасига вақтинчалик бош мураббий этиб тайинланди.

«Биз тўғри йўлда эдик. Болгариядан қабул қилиб олинган мағлубият – менинг айбим. Афсуски, ҳаммаси шундай якун топди», - деди Блинд.

Маълумот учун, 55 ёшли Блинд Нидерландия терма жамоасини 2015 йилдан бери бошқариб келаётганди. Жамоа саралашнинг 5 учрашувида 7 очко жамғариб, А гуруҳида тўртинчи ўринни эгаллаб турибди.